11 -fevral "Ilm-fan sohasidagi ayollar va qizlar xalqaro kuni" munosabati bilan Janubiy dehqonchilik ilmiy- tadqiqot instituti, Qarshi davlat texnika universiteti, viloyat xotin-qizlar boshqarmasi,…

"Olima ayollar" uyushmasi, "Ixtirochi ayollar" uyushmasi hamkorligida "Ilm va ayol: Barqaror jamiyat sari" mavzusida tadbir o`tkazildi. Tadbirni Yu. Ergasheva ochib berib, keyingi yillarda ilm-fan sohasida faoliyat yuritayotgan ayollarimiz safi kengayib borayotganini ta`kidladi. Tadbirda yosh olimalar o`zlarining ilmiy ish, yangi loyihalar va ixtirolarini taqdim etdilar. Tadbirdan ko`zlangan maqsad xotin-qizlarni ilmga jalb etish, ularning intelluktual salohiyatini ro`yobga chiqarishdan iborat. Tadbir davomida barcha sohalarda ilmiy faoliyat yuritayotgan olima ayollar tomonidan tayyorlangan ko`rgazmalar tadbir ishtirokchilari e`tiboriga havola qilindi, shuningdek, tadbir yakunida faol ishtirok etgan bir guruh olima ayollar tadbir tashkilotchilari tomonidan tashakkurnomalar bilan ham taqdirlandi.