Daraxtlar gullagandan so‘ng tushadigan sovuqlar qanchalik xavfli?
Bahorda daraxtlar gullaganidan keyin tushadigan sovuqlar eng xavfli agrometeorologik omillardan biri hisoblanadi. Chunki bu paytda gul, g‘uncha va yosh mevalar juda nozik bo‘ladi.
Sovuq darajasi past bo‘lsa ham, gullash davrida u hosilning 50–90% gacha yo‘qolishiga sabab bo‘lishi mumkin.
Qaysi haroratda qaysi daraxtga zarar yetadi?
O‘rik (eng sezgir)
G‘uncha bosqichida: –1…–2°C
Gul ochilganda: –0,5…–1°C
Yosh mevada: –1°C
O‘rik ilk gullaydi va eng tez sovuq uradi.
Shaftoli va nektarin
Gulda: –1…–2°C
Yosh mevada: –1,5°C
Gilos va olcha
Gulda: –2°C
Yosh mevada: –2…–3°C
Olma
G‘unchada: –2…–3°C
Gulda: –2°C
Yosh mevada: –2…–4°C
Nok
Gulda: –2°C
Yosh mevada: –3°C
Nima uchun gullash davri xavfli?
Guldagi hujayralar suvga boy bo‘ladi. Sovuqda hujayra ichida muz kristallari hosil bo‘ladi. Natijada gul qorayib to‘kiladi. Changlanish to‘xtaydi. Meva tugilmaydi.
Qanday himoya qilish mumkin?
Tutatish (dim tutun berish);
Tomchilab sug‘orish orqali mikroqavat muz hosil qilish;
Shamollatgich ventilyatorlar;
Agrovolokno yoki yopish;
Bog‘ atrofida shamol to‘siqlari.
Xulosa qilib aytsak, gullashdan keyingi –1…–3°C ham xavfli bo‘lishi mumkin. Ayniqsa o‘rik va shaftoli eng tez zarar ko‘radi.
Bahorgi sovuqlar — tabiat sinovi. Bog‘bon esa tayyorgarlik bilan kirsa, yo‘qotishlarni kamaytiradi.
Agro hayot
Website Telegram Facebook YouTube Instagram
