Сайт синов режимида ишламоқда: материаллар ва таржималар ҳали тўлдирилмоқда.
Шрифт:
Ранг:
Маҳсулотлар
Сайт харитаси Кириш
Gerb

Дунё олма бозорида ким етакчи ва энг қиммат навлар қайсилар?

Дунё олма бозорида ким етакчи ва энг қиммат навлар қайсилар?
Агар сарлавҳадаги саволларнинг жавоби сизни ҳам қизиқтирса, унда маълумотни охиригача ўқинг. Сиз олма етиштириш, экспорти ва дунёдаги энг қиммат навлари ҳақида қизиқарли маълумотларга эга бўласиз! Олма дунёда энг кўп етиштириладиган ва истеъмол қилинадиган мевалардан бири. Аммо бу бозорда ҳам оддий истеъмол учун мўлжалланган навлар, ҳам бир донаси ўнлаб доллар турадиган ноёб олмалар бор. ФАОСТАТ (БМТнинг Озиқ-овқат ва қишлоқ хўжалиги ташкилоти статистик маълумотлар базаси)нинг 2024 йилги маълумотларига кўра, жаҳонда қарийб 97,9 миллион тонна олма етиштирилган. Хитой 51,3 миллион тонна ҳосил билан биринчи ўринда туради. Кейинги ўринларда АҚШ (4,92 млн тонна), Туркия (4,42 млн тонна), Полша (3,38 млн тонна), Ҳиндистон (2,63 млн тонна), Италия (2,4 млн тонна) ва Эрон (2,3 млн тонна) бормоқда. Ўзбекистон эса қарийб 1,48 миллион тонна ҳосил билан дунёдаги йирик олма етиштирувчи давлатлар қаторида туради. Олма етиштириш билан бирга, уни экспорт қилиш ҳам катта даромад манбаи ҳисобланади. Халқаро савдо маълумотларига кўра, Италия, Хитой, АҚШ, Полша, Жанубий Африка, Чили ва Янги Зеландия янги олма экспорти бўйича етакчи давлатлар сирасига киради. Айниқса, Италия ва Янги Зеландия сифатли, экспортбоп олмалари билан халқаро бозорда машҳур. Қизиғи, дунёда шундай олма навлари борки, уларнинг нархи оддий мевалардан ўнлаб марта қиммат. Масалан, Японияда етиштириладиган Секаи Ичи нави ана шундай ноёб олмалардан бири. Унинг айрим йирик мевалари бир килограммгача етади, махсус парваришланган донаси эса 20 доллардан юқори нархда сотилиши мумкин. Хитойнинг Тибет ҳудудида етиштириладиган Блакк Диамонд нави эса тўқ бинафша, деярли қора тусдаги пўсти билан ажралиб туради. Камёблиги ва ўзига хос ташқи кўриниши уни премиум бозордаги машҳур олмалардан бирига айлантирган. Япониянинг Фужи нави ҳам жаҳон бозорида катта талабга эга. Айниқса, махсус парваришланган, ташқи кўриниши мукаммал ва йирик мевалари совға учун мўлжалланган премиум маҳсулот сифатида юқори баҳоланади. Японияда олмага бўлган эътибор шу даражада юқорики, 2026 йил 13 ноябр куни Хоккайдо ҳудудида ўтказилган кимошди савдосида еттита Нанамицуки нави олмаси 100 минг иенага, яъни қарийб 630 долларга сотилган. Албатта, бу оддий чакана савдо нархи эмас, балки махсус кимошди савдосида қайд этилган натижадир. Бу рақамлар бир ҳақиқатни кўрсатади: жаҳон олма бозорида фақат ҳосил миқдори эмас, балки навнинг сифати, таъми, ташқи кўриниши, сақланиш хусусияти ва қадоқланиши ҳам муҳим аҳамиятга эга. Демак, Ўзбекистонда ҳам олма етиштиришда ҳосилдорлик билан бир қаторда экспортбоп ва юқори қийматли маҳсулот етиштиришга эътиборни кучайтириш катта иқтисодий имкониятлар яратади. Манбалар: - [ФАОСТАТ — 2024 йилги қишлоқ хўжалиги статистикаси](https://www.fao.org/faostat/en/#data/QCL) - [Оур Wорлд ин Дата — Аппле продуктион](https://ourworldindata.org/grapher/apple-production?tab=table) Расмий саҳифаларимизни кузатиб боринг. WЕБ| Телеграм| Инстаграм | Факебоок|Ёутубе

Манбани Telegramда очиш

Хатони маъмуриятга юбориш
Раҳмат! Хабарингиз юборилди.