ENERGIYA VA SUV” MAVZUSIDA KONFERENSIYA-MULOQOT

Toshkent shahridagi U-ENTER innovatsion tadbirkorlar markazida “Jamiyat rivojlanishining yashil yo’li” platformasida “Energiya va suv” mavzusida Global Ekologik Fondning Kichik Grantlar Dasturi tashabbusi bilan tashkil etilgan katta konferensiya-muloqot bo‘lib o‘tdi. Tadbirda hukumat, tadbirkorlik sub’ektlari va ilmiy-tadqiqot instituti vakillari, talabalar va boshqa qiziquvchilar, shu jumladan Qishloq xo‘jaligini mexanizatsiyalash ilmiy-tadqiqot instituti olimlari ham ishtirok etdilar. QXMITI laboratoriya rahbari A.Abduraxmanov “Tuproqni himoyalovchi dehqonchilikning namlikni saqlash, yonilg‘i va boshqa xarajatlarni iqtisod qilishdagi imkoniyatlari” mavzusida taqdimot bilan ma’ruza qildi. Konferensiya-muloqot savol-javoblarga boy bo‘lib, qizg‘in baxs-munozara ko‘rinishida o‘tdi. https://t.me/AKIS_milliy_markaz