Sayt sinov rejimida işlamoqda: materiallar va tarjimalar hali töldirilmoqda.
Şrift:
Rang:
Mahsulotlar
Sayt xaritasi Kiriş
Gerb

Genetik xilma-xillik va xalqaro hamkorlik — forum ishtirokchilari diqqat markazida

Genetik xilma-xillik va xalqaro hamkorlik — forum ishtirokchilari diqqat markazida
Forumda panel sessiyalar qizg‘in o‘tmoqda. Navbatdagi taqdimot O‘simliklar genetik resurslari ilmiy-tadqiqot instituti direktori Zafarjon Ziyaev tomonidan amalga oshirilmoqda. U "O‘simliklar genetik xilma-xilligini saqlash va O‘zbekiston–Italiya hamkorligi istiqbollari" mavzusida ma’ruza qilmoqda. Ma’ruzachi o‘z chiqishida genetik resurslarni saqlash, milliy genbankni boyitish hamda seleksiya ishlari uchun qimmatli gen manbalarini shakllantirish masalalariga alohida to‘xtaldi. Shuningdek, iqlim o‘zgarishi sharoitida barqaror qishloq xo‘jaligini rivojlantirishda ilmiy yondashuvlar muhim ahamiyat kasb etishini ta’kidladi. — Bugungi kunda o‘simliklar genetik resurslarini saqlash bilan birga, ulardan seleksiya va ishlab chiqarishda samarali foydalanish ustuvor vazifalardan biriga aylanmoqda, — dedi Zafarjon Ziyaev. Ma’ruza davomida institut tomonidan olib borilayotgan ilmiy tadqiqotlar, jumladan, genbankda saqlanayotgan minglab namunalar, yangi navlar yaratish hamda xalqaro hamkorlik doirasida amalga oshirilayotgan ishlar haqida batafsil ma’lumot berildi. Milliy markazning rasmiy sahifalarini kuzatib boring. WEB| Telegram| Instagram | Facebook| Youtube

Manbani Telegramda oçiş

Xatoni ma’muriyatga yuboriş
Rahmat! Xabaringiz yuborildi.