Сайт синов режимида ишламоқда: материаллар ва таржималар ҳали тўлдирилмоқда.
Шрифт:
Ранг:
Маҳсулотлар
Сайт харитаси Кириш
Gerb

Жаҳон_қишлоқ_хўжалиги

Жаҳон_қишлоқ_хўжалиги
Покистон қишлоқ хўжалиги: Асосий тармоқлар ва ривожланиш йўналишлари Покистон қишлоқ хўжалиги мамлакат иқтисодиётининг муҳим тармоқларидан бири бўлиб, ялпи ички маҳсулотнинг (ЯИМ) салмоқли қисмини ташкил этади. Бу соҳа аҳолининг катта қисмини иш билан таъминлайди ва озиқ-овқат хавфсизлигини таъминлашда муҳим рол ўйнайди. Қишлоқ хўжалигининг асосий жиҳатлари ЯИМга ҳисса: Қишлоқ хўжалиги ЯИМнинг тахминан 19–24% ни ташкил этади. Бандлик: Мамлакат ишчи кучининг 38–50% и қишлоқ хўжалиги соҳасида фаолият юритади. Озиқ-овқат таъминоти: Шаҳар ва қишлоқ аҳолисининг асосий озиқ-овқат манбаи қишлоқ хўжалигидир. Экспорт даромади: Гуруч ва пахта асосий экспорт маҳсулотлари бўлиб, мамлакатнинг экспорт даромадларида муҳим ўрин тутади. Асосий экинлар ва уларнинг аҳамияти Покистон қишлоқ хўжалигида қуйидаги асосий экинлар етиштирилади: Буғдой – ички истеъмол учун муҳим бўлган асосий ғалла маҳсулоти. Гуруч – экспортда муҳим рол ўйнайди ва ташқи бозорга йўналтирилади. Пахта – тўқимачилик саноати учун асосий хомашё манбаи. Шакар қамиш – шакар ишлаб чиқариш саноатида асосий хомашё. Жўхори – чорвачилик ва озиқ-овқат саноатида қўлланилади. Сўнгги йилларда картошка, нўхат, пиёз, қалампир ва помидор каби экинларнинг иқтисодий аҳамияти ортиб бормоқда. Нархи ошиши ва истеъмол бозорининг талаблари ошиб бориши сабабли, уларни етиштиришга алоҳида эътибор қаратилмоқда. Пахтачилик ва унинг аҳамияти Пахтачилик Покистон қишлоқ хўжалигининг муҳим тармоқларидан бири бўлиб, мамлакат пахта етиштириш бўйича дунёда етакчи ўринлардан бирини эгаллайди. Иқтисодий аҳамияти – пахта мамлакат экспортининг асосий қисмини ташкил этади ва валютали тушумнинг катта қисмини таъминлайди. Иш ўринлари – пахтачилик ва унга боғлиқ тармоқлар кўплаб одамлар учун иш ўринлари яратади. Ички саноат учун хомашё – тўқимачилик саноатининг асосий хомашёси сифатида пахта миллий иқтисодиётда стратегик аҳамиятга эга. Яна бир муҳим маълумот. Покистонда бугунги кунда асосан БТ генли ғўза навлари экилади. БТ генли пахта ва унинг афзалликлари БТ (Бакиллус тҳурингиенсис) генли пахта генетик модификация қилинган нав бўлиб, ҳашаротларга қарши табиий иммунитетга эга. Бу тур пахтачилик соҳасида қуйидаги афзалликларни беради: Ҳашаротларга чидамлилик – БТ пахта ҳашаротларга қарши кимёвий препаратлар ишлатиш заруратини камайтиради. Ҳосилдорликнинг ошиши – анъанавий пахтага нисбатан кўпроқ ҳосил беради. Кам ҳаражатли етиштириш – ҳимоя воситаларига камроқ маблағ сарфланади, бу эса фермерлар даромадини оширади. Экологик барқарорлик – камроқ пестицид ишлатилиши атроф-муҳитга ижобий таъсир кўрсатади. Покистонда БТ пахта кенг тарқалган бўлиб, фермерлар учун иқтисодий жиҳатдан фойдали ҳисобланади. Давлат ва илмий марказлар ушбу навни янада ривожлантириш устида иш олиб бормоқда. Сув ресурслари ва қишлоқ хўжалиги Покистон дунёдаги энг йирик суғориладиган ер майдонларига эга давлатлардан бири ҳисобланади. Инд дарёси ва унинг ирмоқлари асосий сув манбаи бўлиб, қишлоқ хўжалиги учун жуда муҳимдир. Суғориш тизимини такомиллаштириш ва сув ресурсларидан оқилона фойдаланиш соҳанинг ривожи учун устувор йўналишлардан биридир. Ушбу материал Покистоннинг расмий манбаси – Пакистан Буреау оф Статистикс маълумотлари асосида тайёрланди. Миллий марказнинг расмий саҳифаларига обуна бўлинг! WЕБ| Телеграм| Инстаграм | Факебоок |▶ Ёутубе

Манбани Telegramда очиш

Хатони маъмуриятга юбориш
Раҳмат! Хабарингиз юборилди.