Jarayon

Joriy yilning 16-anvar kuni Jizzax viloyati Paxtakor va Zafarobod tumanlarida viloyat Agroxizmatlar markazi mutaxassislari, Paxtachilik kengashi ishchi guruxi a'zolari va Paxta seleksiyasi urug‘chiligi va yetishtirish agrotexnologiyalari ilmiy-tadqiqot instituti Jizzax ilmiy tajriba stansiyasi olimlari tomonidan tuman tashkilotlari va fermer xo'jaliklari rahbarlari ishtirokida seminar o‘tkazildi. Seminarda 2025-yilda xorijiy paxta navlari, xususan ko‘sak qurti va gerbitsidlarga chidamli (BT) bo'lgan navlarning hususiyatlari va afzalliklari, shuningdek, ilg‘or agrotexnologiyalarni qo‘llagan holda xosildorlikni oshirish, ekish uchun talab etiladigan 76 sm va 76×10 sm sxemalarga moslashgan seyalkalarni olib kelish, 76×10 sm sxemada qo‘shkator usulda plyonka ostiga tomchilatib sug‘orish texnologiyasini joriy qilgan holda ekish, kultivator va boshqa texnikalarni ushbu sxemalarga moslash va boshqa masalalar bo'yicha kerakli tavsiya va ko'rsatmalar berildi. Seminar yakunida fermerlarni qiziqtirgan savollariga mutaxassislar tomonidan javoblar va maslaxatlar berildi. Milliy markazning rasmiy sahifalariga obuna bo'ling! WEB|Telegram| Instagram | Facebook |▶ Youtube