Kartoshka etishtirishda Koreya tajribasi

Qishloq xo‘jaligi vazirligi tashabbusi bilan Toshkent davlat agrar universitetida “O‘zbekistonda kartoshkachilik sohasining istiqbollari. Koreya Respublikasi tajribasi asosida yil davomida kartoshka yetishtirish texnologiyasi” mavzusida seminar-trening bo’lib o’tdi. Video-konferens-aloqa shaklidagi tadbirni kirish so‘zi bilan ochib bergan Qishloq xo‘jaligi vazirligi departament boshlig‘i o‘rinbosari Jamshid Abduzuhurov oziq-ovqat xavfsizligini ta’minlashda kartoshkachilikni rivojlantirishning ahamiyati xususida so’z yuritdi. Kartoshka yetishtiruvchilar va qishloq xo‘jaligiga ixtisoslashgan oliy o‘quv yurtlari talabalari uchun tashkil etilgan seminar-treningda Sabzavot, poliz ekinlari va kartoshkachilik ilmiy-tadqiqot instituti direktori, professor Rustam Nizomov, Xalqaro o‘simlikshunoslik instituti prezidenti, professor Lee Yong Beom, “GS-Bio” MCHJ xorijiy korxonasi direktori Kim Mi Gyeounglar mavzu yuzasidan o‘z ma’ruzalari bilan ishtirok etishdi.