Одатда лимонни истеъмол қиламиз, аммо унинг пўстлоғини чиқиндига ташлаймиз. Бу — катта хато!
Қишлоқ хўжалигида билим ва инновациялар миллий маркази тизимидаги академик Маҳмуд Мирзаев номидаги Боғдорчилик, узумчилик ва виночилик илмий-тадқиқот институти докторанти Ирода Касимова ўз тадқиқотлари асосида лимон пўстлоғи антибактериал, антиоксидант ва иммунитетни мустаҳкамловчи моддаларга бой эканлигини таъкидлайди.
“Лимон пўстлоғидан сиз қандай фойдаланаяпсиз?” — деган савол билан жамоатчиликка мурожаат қилиб, ўзининг Факебоок ижтимоий тармоғидаги саҳифасида лимон пўстлоғининг фойдали хусусиятларини ёритиб, жамоатчиликни ундан самарали фойдаланишга чақирмоқда.


