Milliy markazda bo'layotgan bugungi taqdimotlarda paxtachilik sohasiga ixtisoslashgan ilmiy-tadqiqot institutlari va ilmiy-tajriba stansiyalar vakillari qatnashmoqda.

Xususan, mamlakatimizda paxtachilik sohasidagi tayanch ilmiy muassasa hisoblangan PSUEAITIning hududlarda 11 ta tajriba stansiyalari mavjud. Jami yer maydoni 1658,4 gektarni, undan sug'oriladigan maydon esa- 1566,8 gektarni tashkil etadi. Institut qoshidagi tajriba stansiyalarning tarkibi va ilmiy salohiyati haqida institut direktori o'rinbosari Sharofiddin Karimov o'z tadqimotida ma'lumot berdi. 2023-yilda tizim bo'yicha 44mlrd 203mln daromad olingan bo'lsa, 2024-yilda bu ko'rsatkichni 67,8mlrd so'mga yetkazish reja qilingan. Shuningdek, hududiy tajriba stansiyalarda ilmiy salohiyatni 52,8% dan 65%ga oshirish, ilmiy ishlanma va texnologiyalarni keng tadbiq etish va klasterlar bilan hamkorliklarni kuchaytirish rejalari ustuvor ekanligi haqida so'z bordi. Milliy markaz (AKIS) RASMIY KANALI