O‘tgan yili g‘alla hosili ilk bor 8 million tonnaga yetdi.

Fermerlar manfaatdorligini yanada oshirish uchun bu yil g‘allachilikda ham yangiliklar qilinishi ta’kidlandi. Joriy yilda paxtadagi kabi g‘allada ham imtiyozli kreditni to‘g‘ridan-to‘g‘ri fermerga berish tizimi joriy qilinadi. Bundan tashqari, davlat resursi uchun xarid qilingan bug‘doyni daladan tashib kelish va saqlash xarajati 2024 yilda ham to‘liq byudjetdan qoplanadi. Bu haqida O'zbekiston Respublikasi Prezidenti Matbuot kotibi Sherzod Asadov ma'lum qildi.