Qishloq xoʻjaligida bilim va innovatsiyalar Milliy markazida Oʻzbekistonda maqbul qishloq xoʻjaligi amaliyoti (MQXA)ni joriy qilishga bagʻishlangan seminar-trening start oldi.

Mazkur tadbirlar OʻzR Qishloq xoʻjaligi vazirligi hamda Yevropa Ittifoqi ASK dasturi hamkorligida tashkillanayotgan boʻlib, agrar mahsulotlarni yetishtirish samaradorligini oshirish, mahsulotlarning sifati va hosildorligini taʼminlashda maqbul qishloq xoʻjaligi amaliyotlarini qoʻllashning ahamiyati boʻyicha viloyatdagi dehqon va fermer xoʻjaliklari hamda tomorqa yer egalarining amaliy bilim hamda koʻnikmalarini mustahkamlashga xizmat qiladi. Maqbul qishloq xoʻjaligi amaliyotini joriy etish boʻyicha seminar treninglar 26-28-iyul kunlari Fargʻona viloyatida davom etishi rejalashtirilgan. Ushbu treninglarda muvaffaqiyatli qatnashgan barcha ishtirokchilar sertifikat bilan taqdirlanadi. Bizning ijtimoiy tarmoqlardagi sahifalarimiz Veb-sayt | Telegram | Facebook | Instagram | YouTube