Qishloq xoʻjaligida xalqaro grantlar boʻyicha seminar boshlandi

Qishloq xoʻjaligida bilim va innovatsiyalar Milliy markazida “Qishloq xoʻjaligi sohasidagi oliy taʼlim va ilmiy-tadqiqot muassasalariga xorijiy grantlarni jalb etish hamda tanlovlarda ishtirokini kengaytirish” mavzusida seminar-trening boshlandi. Tadbirni markaz direktori, iqtisod fanlari doktori Shuhrat Otajonov ochib berdi. U oʻz nutqida ilmiy tadqiqotlarga xorijiy grantlar jalb etish bugungi kundagi dolzarb vazifalardan biri ekanini taʼkidladi. Seminarda Qishloq xoʻjaligi vazirligi tizimidagi oliy taʼlim va ilmiy-tadqiqot muassasalarining ilmiy izlanuvchilari ishtirok etmoqda. Qishloq xoʻjaligi va oziq-ovqat sohasida strategik rivojlanish va tadqiqotlar xalqaro markazi direktori oʻrinbosari Dilfuza Egamberdiyeva grantlar topish, ariza yozish va xalqaro tanlovlarda ishtirok etish boʻyicha amaliy maʼlumotlarni taqdim etmoqda. Yangiliklarimizni kuzatib boring! WEB|Telegram| Instagram | Facebook |▶ Youtube