Sohada hisob-kitob intizomida ham kamchiliklar borligi aytildi.

Masalan, klasterlarning fermerlar oldidagi qarzdorligi hali to‘liq to‘lanmagan. Yangi tizimga ko‘ra, oldingi qarzini 1-aprelgacha yopmagan klaster bilan fyuchers shartnomasi bekor qilinadi va fermerga paxtani birjada sotishga ruxsat beriladi. Ma’lumotni elektron platformaga to‘liq kiritgan va fyuchers shartnoma imzolagan fermerga kredit ko‘pi bilan uch kun ichida ajratilishi shartligi ta’kidlandi. Bu haqida O'zbekiston Respublikasi Prezidenti Matbuot kotibi Sherzod Asadov ma'lum qildi.