TOSHKENT VILOYATI AGROXIZMATLAR MARKAZIDA JANUBIY KOREYA BILAN HAMKORLIKDA OCHILISHI REJALASHTIRILGAN "TA'LIM MARKAZI"GA TAMAL TOSHI QO'YILDI

Qishloq xo'jaligida bilim va innovatsiyalar Milliy markazi hamda Koreyaning Qishloq xo'jaligi, oziq ovqat va qishloq ishlari vazirligi orasida imzolangan hamkorlik memorandiumiga binoan tashkil etildi. Mazkur loyiha qiymati qariyb 4 millon AQSh dollarni tashkil etib, markaz huzurida zamonaviy issiqxona ham barpo etiladi. Bu yerda fermer, dehqon xo'jaligi egalari, talaba va ilmiy xodimlar o'z malakasini oshirish imkoniyati yaratiladi. Markaz ochilishida Koreya tomoni vakillari bilan birga Qishloq xo'jaligi vaziri o'rinbosari, Milliy markaz bosh direktori Alisher To'rayev va vazir maslahatchisi Alisher Shukurov ishtirok etdi. Bu markazining Respublikamizda 5 ta hududiy tajriba issiqxonalari ham tashkil etiladi hamda koreyalik mutaxassislar tomonidan dasturiy taʼminotlar bilan ishlash boʼyicha IT-mutaxassislar ham tayyorlanadi.