Уруғчиликни ривожлантириш маркази директори Бунёд Мамараҳимов Ўсимликлар генетик ресурслари илмий-тадқиқот институти директори Зафар Зияев билан учрашув ўтказди. Мулоқот давомида томонлар ўзаро ҳамкорлик имкониятларини кенгайтириш, инновацион ёндашувлар асосида уруғчилик тизимини такомиллаштириш масалаларини муҳокама қилдилар.
Учрашувда 103дан ортиқ экин турларининг 43минг 500га яқин нав намуналари сақланадиган "Миллий генофонд" коллексияларидан фойдаланган ҳолда янги навлар яратиш, уларни чатиштириш орқали истиқболли гибрид навларни ишлаб чиқиш бўйича ҳамкорлик йўлга қўйилиши келишиб олинди. Хусусан, коллексияларда мавжуд мош, маккажўхори, соя ва бошқа дуккакли экинлар бўйича сифатли уруғчиликни ташкил этиш устувор йўналиш сифатида белгиланди.


