Бугун, 17-ноябр — Халқаро талабалар куни. Шу муносабат билан Ўзбекистон журналистика ва оммавий коммуникациялар университетида анъанавий “Ҳосил байрами” бўлиб ўтмоқда.
Ушбу ёрқин ва ижодий тадбирда "Ўсимликлар генетик ресурслари илмий-тадқиқот институти" докторантлари ҳам институт олимларининг илмий ишланмалари, истиқболли нав намуналари ва замонавий селексия ёндашувлари билан муносиб иштирок этмоқда.
Институт стендида талабалар ва меҳмонлар:
– мевали ва сабзавот экинларининг генетик хилма-хиллигини;
– иқлимга мослаштирилган навлар имкониятларини;
– инновацион селексия ва генетик ресурсларни бошқариш бўйича янги ишланмаларни кўришлари, шунингдек мутахассислар билан бевосита суҳбатлашишлари мумкин.
Талабалар учун бу — нафақат байрам, балки илм ва амалиётнинг бир саҳифада учрашган лаҳзаси. Ҳосил мўл ва ранг-баранг, билим эса чексиз!



